11:10 PM
ബക്ഷ് എടയൂര്
ഇത്തരത്തിലുള്ള സംരക്ഷണങ്ങള് നിലനില്ക്കെ തന്നെ മനുഷ്യാവകാശങ്ങള് ലോകമെമ്പാടും ഹനിക്കപ്പെടുന്നു എന്നത് സത്യമാണ്. ഇന്ത്യയെ സംബന്ധിച്ചിടത്തോളം ദളിത വിഭാഗങ്ങള്ക്ക് നേരെയുള്ള അക്രമം ഇന്നും തുടരുന്നത് ദു:ഖകരമാണ്. ഒറീസയിലെ കാണ്ടമാലില് നടന്ന ജാതിപ്പോരിന് ഇന്ത്യ സാക്ഷിയായി. ഉത്തരേന്ത്യന് സംസ്ഥാനങ്ങളില് ‘മണ്ണിന്റെ മക്കള് വാദം’ ശക്തമാവുമ്പോള് തമിഴ്നാട്ടിലെ ജാതിവിവേചനം ആഴത്തില് വേരോടിയതാണ് .
കാര്ഷിക ഭൂമി സംരക്ഷിക്കാനായുള്ള അവകാശ സമരത്തില് കര്ഷകരെ അടിച്ചമര്ത്തുന്ന കാഴ്ച പശ്ചിമബംഗാളിലെ നന്ദിഗ്രാമില് നാം കണ്ടുകഴിഞ്ഞു. ഇന്ത്യയിലുടനീളം അന്യായമായുള്ള തടങ്കലില് വയ്പ്പും ലോക്കപ്പ് മര്ദ്ദനവും പതിവാണ്, പരസ്യമായ രഹസ്യവും. രാഷ്ട്രീയപ്പാര്ട്ടികള് ഹര്ത്താലെന്ന ഓമനപ്പേരില് നിത്യവും ജനങ്ങളുടെ സഞ്ചാര സ്വാതന്ത്ര്യത്തെ ഹനിക്കുന്നു. ഇതിന് നടപ്പുവര്ഷം ഏറ്റവും കൂടുതല് ഇരയായത് കേരളത്തിലെ പ്രബുദ്ധ ജനതയാണെന്നത് വൈരുദ്ധ്യമാവാം! ഇത്തരത്തിലുള്ള സാമൂഹിക അനീതികള്ക്കെതിരെ നമുക്ക് ഈ ലോക മനുഷ്യാവകാശ ദിനത്തില് ഒരുമിക്കാം.
Posted in:
സന്ദേശം
0 comments :
Post a Comment