ലോകമവസാനിക്കാതെ 21/12/2012

ഇന്നാണ് ലോകാവസാനമെന്ന് പ്രചരിപ്പിക്കപ്പെട്ട ആ ദിനം. 2012 ഡിസംബര്‍ 21. എന്തിന്റെഅടിസ്ഥാനത്തിലാണ് ഇങ്ങനെയൊരു പ്രചരണമെന്നാങ്കെില്‍ മെക്സിക്കോ, ഗ്വാട്ടിമാല എന്നിവിടങ്ങളിലെ ആദിവാസി ജനവിഭാഗമായ മായന്‍മാരുടെ  കലണ്ടറാണ് ഇതിനാധാരം.  

5125 വര്‍ഷം പഴക്കമുള്ള മായന്‍ കലണ്ടറില്‍ 144000 ദിവസം അതായത് 394 വര്‍ഷം കൂടുന്നതാണ് ഒരു ബക്തുന്‍ അഥവാ യുഗം. മായന്‍ കാലഗണനാ പ്രകാരം 13ാം ബക്തുന്‍ അവസാനിക്കുന്ന ദിനമാണ് ഡിസംബര്‍ 21. ഇതിനുശേഷം കലണ്ടറില്‍ തീയതി ഇല്ലാത്തതിനാല്‍  അതോടെ ലോകമസാനിക്കുമെന്ന്  പ്രചരിച്ചു. എന്നാല്‍ 13ാം ബക്തുന്‍ അവസാനിച്ച് 14ാം യുഗം തുടങ്ങുന്നുവെന്നും കലണ്ടറിന്‍െറ അവസാനം ലോകാവസാനമല്ലെന്നും കാലം തെളിയിക്കുകയാണ്.
ലോകജനസംഖ്യയുടെ 20 ശതമാനം ഡിസംബര്‍ 21 ന് ലോകാന്ത്യമെന്ന് വിശ്വസിച്ചവരാണെന്ന് സര്‍വ്വവെകള്‍ വെളിപ്പെടുത്തി. അതേസമയം മായന്‍ കലണ്ടര്‍ മാത്രമല്ല ഇത്തരം കുപ്രചരണം നടത്തിയത്.  ഡിസംബര്‍ 21 ന് നിബുരു എന്ന അദൃശ്യഗ്രഹം ഭൂമിയുമായി കൂട്ടിയിടിച്ച് ലോകമവസാനിക്കുമെന്നും സൂര്യന്റെജ്വലനശക്തി വര്‍ദ്ധിച്ച് അതിശക്തമായ ജ്വാലകള്‍ ഭൂമിയുടെ കാന്തികമണ്ഡലം മറികിടന്ന് ഭൂമി നശിക്കുമെന്നും കഥകളുണ്ടായിരുന്നു. യാതൊരു ശാസ്ത്രീയ അടിത്തറയും ഇല്ലാതെ ഇത്തരം ലോകാവസാന കഥകള്‍ പ്രചരിക്കുന്നത് ജനങ്ങളില്‍ ആകാംക്ഷയും ഉത്കണ്ഠയുമുണര്‍ത്തിയിരുന്നു.
ലോകാന്ത്യത്തിന്റെഅവസാനനാളുകളില്‍ കച്ചവടം പൊടിപൊടിച്ച രാജ്യങ്ങളും ആഘോഷത്തിമര്‍പ്പില്‍ അടിച്ചുപൊളിച്ചവരും  കുറവല്ല. എന്നാല്‍ ഉത്കണ്ഠകളെ കാറ്റില്‍ പറത്തി ഡിസംബര്‍ 21 യാതൊരു ഭാവഭേദവുമില്ലാതെ പിറന്നു വീണിരിക്കയാണ്. അടുത്ത ദിവസങ്ങളില്‍  ആകുലതകളില്ലാതെ ജീവിക്കാമെന്ന ഉറപ്പോടെ.

കടപ്പട് : മാധ്യമം 

Posted in: വാര്‍ത്ത , സാങ്കേതികം